O LIC Parga-Ladra-Támoga presenta unha superficie de 4.934 ha., e as áreas sobre as que actúa o proxecto aproximadamente ocupan 120 ha., centrándose fundamentalmente nas Insuas do Miño e a chaira aluvial de Begonte na confluencia dos ríos Parga y Ladra.

Dentro do LIC-Parga-Ladra-Támoga a vexetación natural que máis superficie ocupa corresponde a un mosaico heteroxéneo de bosques de inundación caducifolios.

Estas masas forestais aséntanse nas marxes das diversas canles fluviais, así como nas zonas anegadas durante o período invernal.

Interconectado cos bosques do territorio atópase un importante conxunto de hábitats naturais e seminaturais entre os que predominan diversos tipos de medios lacunares permanentes e temporais, turbeiras, ríos...

A diversidade e heteroxeneidade de ecosistemas hídricos existentes no LIC-Parga-Ladra-Támoga favoreceu a existencia dunha abondosa e notable flora e fauna acuática, entre as que se atopan diversas especies de interese internacional, comunitario e nacional.

No LIC-Parga-Ladra-Támoga pódense atopar unha serie de Hábitats de Interese (segundo a Directiva 92/43/CEE) dos que catro están catalogados como Prioritarios para a súa conservación:

• Bosques Aluviais de Alnus-Fraxinus

• Bidueirais Pantanosos Betulo-Molinietum

• Turbeiras Altas de Erica tetralix y Sphagnum

• Turbeiras Altas de Cladium mariscus

Ademais destes hábitats están presentes unha gran cantidade de ecosistemas hídricos.

Ecosistemas que inclúen diversas lagoas, charcas e turbeiras alimentadas por augas de escorrentia, fréaticas, suxestións kárstikas e hidrotermais, interconectadas por unha dilatada rede fluvial.